Amol Rajan- BBC
A është Facebook një kompani mediatike?
Kjo mund të duket si një pyetje abstrakte, ndërkohë që përgjigja edhe pse komplekse shkon në thelb të demokracisë së kohëve tona.
Ju nuk do arrini të kuptoni njoftimin e kompanisë ditën e enjte, mbi bllokimin e lajmeve të pavërteta pa marrë më parë përgjigjen e pyetjes së mësipërme.
Masat që Facebook është duke marrë që identifikojnë lajmet e rreme dhe pengojnë pasurimin e prodhuesve të tyre, njëkohësisht ndalojnë atë që disa kritikë nuk do donmin ta shihnin.
Revolucioni në media na thotë se platforma si Facebook janë duke bërë vazhdimisht atë që bëjnë edhe botuesit.
Sikurse Tony Haile argumentonte në një shkrim të ëall Street Journal’s, “Botuesit bëjnë 5 gjëra: ata krijojnë, postojnë, kurojnë, shpërndajnë dhe fitojnë para nga kjo. Facebook bën sot 4 nga këto 5 gjëra. … [Por] ata nuk krijojnë.”
Unë mendoj madje se edhe kjo pikë është e diskutueshme. është e vërtetë që Facebook nuk prodhon materiale origjinale apo gazetari, por opsioni i Facebook Live shkon shumë pranë kësaj.
Kur Lavish Reynolds e përdori këtë opsion për të shpërndarë në rrjet momentin kur një polic në Minesota qëlloi mbi të dashurin e saj, ajo ishte duke dhënë një lajm live.
Sigurisht Facebook nuk ja kërkoi ta bënte, por përmes Facebook Live, Facebook ndihmon gaszetarinë origjinale.
I sponsorizuar nga reklamat, ndihmon për të krijuar histori dhe burim kryesor i lajmeve për miliona njerëz. Kështu Facebook duket si një kompani mediatike.
Por ende Facebook nuk e sheh veten në këtë mënyrë. Ai nuk dëshiron ta përdorë arsyetimin njerëzor për të arbitruar midis të vërtetës dhe falsitetit.
Të mërkurën unë fola gjatë me Adam Mosseri, Zëvendës Preisdent i Produkteve të Lajmit në Facebook. Ai më tregoi shkrutrimisht përpjekjet e fundit të Facebook për të bllokuar lajmet e rreme, disa prej të cilave sipas tij, e ndihmuan Donald Trump të hynte në Shtëpinë e bardhë.
Mark Zuckerberg në fillim e cilësoi këtë deklaratë si të çmendur, por gjithmonë është përpjekur të tregojë se e ka marrë shumë seriozisht këtë çështje.
Facebook do të bëjë 4 gjëra:
Do t’u lehtësojë përdoruesve raportimin e materialeve që ata mendojnë se janë të rreme.
Do të përdorë palë të treta si: – Snopes; FactCheck; PoliticoFact; ABC Neës, etj, për të verifikuar përmbajtjet e dyshimta.
Do të investigojë me shumë kujdes artikutjt që nuk shpërndahen nga njerëzit pasi janë lexuar prej tyre.
Do të dëmtojë financat e prodhuesve të rremë duke rritur koston e reklamave të tyre në Facebook.
Së bashku këto masa do të ndryshojnë situatën. Por sipas Zuckerberg, të cilin e citonte Mosseri, lajmet e rreme janë vetëm një pjesë e vogël e materialeve që shpërndahen në Facebook community, dhe nxjerrja e tyre tërësisht jashtë loje do të ishte e pamundur.
Facebook nuk do të monitorojë vetë vërtetësinë e lajmeve, por do të veprojë në bazë algoritmesh duke mos përdorur stafin e tij për këtë çështje.
Vite më parë Zuckerberg e përshkroi Facebook si një kompani utilitare. Por disa njerëz të mençur vunë në dukje se dobishmëria operon në një ambjent të koordinuar, ndaj Zuckerberg e ndërroi fokusin dhe e quajti një kompani teknologjike, por jo mediatike.
Por roli i Facebook në industrinë mediatike ka qenë revolucionar. Platforma më e madhe në botë, gjithmonë e më shumë po merr rolin e botuesve të lajmeve, por pa detyrime ligjore dhe sociale. Me pak fjalë Facebook është një kompani mediatike, edhe pse nuk do të jetë .
