Dy goditje të forta termeti me magnitudë 5.4 dhe 5.9 të shkallës Rihter që goditën Italinë qendrore, duke përfshirë: Castelsantangelo sul Nera, Visso, Ussita, Preci, Fabriano, Camerino kanë lënë pas dëme të mëdha. Godinat siç duket në foto janë të rrënuara. Rrugët të shkreta, ku lëvizin vetëm punonjësit e zjarrfikëses.
Ndërkohë toka vazhdon të dridhet në Marche dhe Umbria, raporton gazeta “Repubblica”.
Qytetet më të afërta me epiqendrën e tërmetit ishin Castelsantangelo sul Nera (Macerata), Preci (Perugia) dhe Visso (Macerata). Situata është dramatike për mijëra njerëz të zhvendosur nga shtëpitë e tyre. Ata kanë natën në makina dhe në streha të improvizuara. Ndërkohë si të mos mjaftonte kjo gjatë natës kanë rënë shiu duke vështirësuar punën për pastrimin e zonave të dëmtuara.
Ndërkohë, askush nuk guxon të kthehet në banesë nga frika e termeteve të tjera. Një sizmiolog ka thënë se “nga ora 02:00 e ditës sotme e në vazhdim janë 30 lëkundje të lehta me magnitudë 3.0. Të gjithë në zonën e Maceratas.
Ndërkohë emergjencat civile thotë se janë mijëra banorë të zhvendosur. “Mund të jetë 3 mijë ose më shumë dhe unë kam frikë se shumë shtëpi nuk janë më të banueshme”, tha shefi i emergjencave Cesare Marche.
