Dashi – Do të keni mundësinë që të merrni vendime të rëndësishme në jetën sentimentale, që do t’ju ndryshojnë jetën. Një mik i afërt do t’ju bëjë një dhuratë shumë të bukur, ndërsa mbrëmja paraqitet mjaft interesante.
Demi – Një dëshira e madhe për të ndryshuar diçka do t’ju kapë papritur. Ndoshta kjo nuk është perdiudha më e mirë që po kaloni dhe shumë probleme kërkojnë zgjidhje. Nga ana tjetër as situata financiare nuk është e mirë, megjithatë mos u shqetësoni. Gjërat do të ndryshojnë shumë shpejt për mirë.
Binjakët – Një i afërm do t’ju këshillojë që t’i merrni gjërat më shtruar e të mos rrezikoni, duke marrë përsipër rreziqe të tepërta. Të dedikuarit kohë e mund për të arritur sa më shumë përfitime financiare nuk është shumë e këshillueshme. Mbani mend që nuk ka gjë më të vyer sesa familja dhe miqtë, ndaj mos i lini ata pas dore.
Gaforrja – Gjatë pasdites do të merni vesh se një projekt në të cilin kishit punuar e për të cilin nuk besonit se do të shkonte mirë, në fakt do t’ju sjellë të ardhura të mira. Oferta të reja pune do të shfaqen në horizont. Megjithatë mendohuni mirë përpara se të pranoni pasi ata që ju rrethojnë kanë gjithashtu nevojë për kohë dhe vëmendje.
Luani – Do t’ju vijë një ofertë shumë interesante pune dhe tundimi do të jetë i madh. Mos merrni vendim pa vlerësuar më parë të gjitha mundësitë dhe pa u këshilluar me dikë me më shumë eksperiencë.
Virgjëresha – Do të zhvilloni një takim të rëndësishëm me njerëz që do të vlerësojnë idetë tuaja. Sot është dita e mirë për të forcuar marrëdhëniet e vjetra, por edhe për të bërë miq të rinj. Merrni në konsideratë opionin e të tjerëve, pasi mund t’ju vijë në ndihmë më vonë.
Peshorja – Këtë mëngjes do të bëni shpenzime të papritura, megjithatë do të keni aprovimin e familjes. Një ngjarje e papritur gjatë pasdites mund t’ju ndryshojë planet. Në mënyrë që të përballeni me problemet, duhet të tregoheni të duruar.
Akrepi – Nëse ju shfaqet mundësia për një punë të re duhet ta pranoni pa u hezituar. Shanset janë shumë të mira që të keni përfitime të mëdha. Mos e mendoni dy herë dhe shfrytëzojeni këtë mundësi.
Shigjetari – Disa ndodhi të papritura gjatë mëngjesit do të ndikojnë në planet e ditës. Një vizitë e papritur mund t’ju shkaktojë bezdi, megjithatë ruani qetësinë dhe tregohuni mikpritës.
Bricjapi – Përpara pasdites do të merrni një lajm tepër të mirë sa i përket punës. Ndoshta do t’ju ofrohet një mundësi e re apo një projekt i ri. Për të qenë sa më të sigurtë në hapat që do të hidhni, kërkojini ndihmë një miku. Jeta sentimentale shkon për mrekulli.
Ujori – Ky mund të jetë një moment shumë domethënës në jetën tuaj. Aftësitë sociale dhe inteligjenca do t’ju japin mundësinë që të jeni tepër të suksesshëm në aspektin profesional, por edhe shoqëror. Përdorni intuitën sidomos gjatë pasdites, ku do të duhet të merrni një vendim të rëndësishëm sa i përket jetës sentimentale.
Peshqit – Do të jeni të suksesshëm si në jetën sentimentale ashtu edhe në aspektin material. Shfrytëzojini mundësitë që ju shfaqen, por bëni kujdes që të mos e ekzagjeroni me fatin. Gjatë pasdites mund të bëni një udhëtim të papritur. Mos u shqetësoni vetëm sepse nuk e kishit planifikuar dhe shijoni çdo moment të mbrëmjes./tvklan.al
