Ekipi i Vicenco Montellës është duke kaluar një moment pozitiv, ndërkohë që nga ana tjetër, bardhezinjtë dëshirojnë tre pikët për të konsoliduar pozitat në krye të tabelës së klasifikimit.
Në konferencën për shtyp, tekniku toskan foli në lidhje më gjëndjen e ekipit.
Për sa i përket formacionit që do të hedhë në fushë, ai deklaroi se sulmi do të drejtohet nga dyshja argjentinase Higuanin-Dybala.
“Sigurisht që ne duhet të përmirësojmë cilësinë tonë në lojë. Në sulm do të jetë Higuanin dhe Dybala. Është një sfidë ku vijmë me mungesa, një ndër mungesat do të jetë dhe ajo e Girgo Chiellinit, i cili nuk arriti të rikuperohej në kohë.
“Mandzukic ndoshta mund të aktivizohet disa minuta. Në mesin e fushës kam dilema, ndërsa në mbrojtje do të jetë Barzagli, Bonucci dhe Benatia.”
Më tej numri një i stolit të “Zonjtës së Vjetër” komplimentoi dhe ish-skuadrën e tij Milanin. Allegri u shpreh se kuqezinjtë janë duke kaluar një moment të mirë.
“Komplimente Milanit. Kanë zhvilluar disa ndeshje shumë të mira, me lojtarë të rinj dhe shumë të talentuar, ku pa diskutim do të jenë e ardhmja e Kombëtares Italiane. Padiskutim merita për këtë Mialn ka dhe Vienco Montella. Është një sfidë e ekuilibruar ku vëmendja duhet të jetë maksimale.”
Në fund tekniku i kampionëve të Italisë nuk harroi të përmëndte dhe mesfushorin Miralem Pjanic.
Sipas Allegrit boshnjaku duhet të përmirësohet por, pavarësisht kësaj është një elemnt shumë cilësorë. Milan-Juventus do të jetë kryefjala e kësaj fundjave në Seria A.
