Familjarët e të ndjerit Asllan Kërtusha, i vrarë me 1 mars të këtij viti në Durrës, i janë drejtuar me anë të një letre të hapur të gjitha institucioneve kryesore të vendit.
Ata nëvizojnë se ne, familjarët, po e shkruajmë këtë letër sepse akuza fillestare e mbështetur në filmime në kohë reale: vrasje me paramendim në bashkëpunim, armëmbajtje pa leje dhe fshjeje e krimit, është ndryshuar. Sipas tyre, ndryshimi i akuzës është realizuar me qëllimin për të lehtësuar vrasësit me një dënim kalimtar.
Familjarët theksojnë, pasi lexuam akuzёn e hartuar nga prokurori nё fjalё, na u duk sikur kishim lexuar aktin e mbrojtjes nga avokati i vrasёsve, ndërkohë qё sipas ligjeve nё Republikёn e Shqipёrisё prokurori akuzon vrasёsit nё mbrojtje tё viktimёs.
“Nё momentin historik tё miratimit tё reformës nё drejtёsi, ne jemi të shqetësuar pёr kёto dy arsye:
Nё faqen e parё tё akuzës, ku duhet tё bёhet prezantimi i vrasёsit dhe bashkёpunёtorit tё tij, çuditёrisht ekziston vetёm akuza e kёtij tё fundit, ndёrkohё qё akuza (e mёparshme apo aktuale) e vrasёsit mungon.
Arsyeja tjetër e shqetësimit tonë janë parashtrimet e pasakta dhe kontradiktore të prokurorit të çështjes nё akt-akuzё”, shkruhet në letrën e familjarëve të Kërtushës.
Letra e familjarëve
Letër e hapur drejtuar:
Presidentit të Republikës së Shqipërisë
Kryeprokurorit të Republikës së Shqipërisë
Gjykatës së Rrethit Durrës
Kryeministrit të Republikës së Shqipërisë
Ministrit të Drejtësisë në Republikën e Shqipërisë
Gjyqi i vrasësve Gezim Kajno dhe Bledar Kajno ose, kur prokurorët bëjnë avokatin e vrasësve…
Më një 1 mars të këtij viti në Durrës u vra një 29 vjeçar pas një sherri banal me dy vrasësit Gëzim Kajno dhe Bledar Kajno. Shkurtimisht ngjarja vijoi si me poshtë: Pas një debati verbal në lokal mes Asllan Kёrtushёs dhe kamarierit, pronari i lokalit Gëzim Kajno me kushëririn e tij Bledar Kajno, dolёn nё njё tavolinё tё lokalit pёrjashta. Pasi ndenjёn tё ulur pёr disa minuta Gёzim Kajno nxorri pistoletёn dhe me qytёn e saj e goditi Asllan Kёrtushёn nё kokё. Arma qëlloi aksidentalisht duke plagosur kushёririn e Gëzim Kajnos, Bledar Kajnon. Pas kësaj Asllan Kёrtusha u qёllua me plumb nё kёmbё. Ai tentoi të largohej me taksi por vrasёsit e ndoqёn dhe pasi e goditën me grushta e shqelma e qëlluan me plumb nё kraharor. Asllan Kërtusha dha shpirt nё spital. Te gjitha këto janë në videon e kamerave të lokalit, e cila u transmetua nё tё gjithё televizionet publike dhe ёshtё akoma e disponueshme nё Youtube.
Ne, familjarët e viktimёs po shkruajmё këtë letër tё hapur sepse akuza fillestare e mbёshtetur nё filmime nё kohё reale: vrasje me paramendim në bashkëpunim, armёmbajtje pa leje dhe fshehje e krimit, ёshtё ndryshuar. Gjatë 6 muajve të hetimit u ndërruan tre prokurorë!! Aktualisht prokurori i çështjes, Drini Pali (i pushuar nga puna për parregullsi në 2010 dhe i kthyer në punë në 2013), ka ndërruar akuzën fillestare nga vrasje me paramendim – në vrasje në gjendje te rënduar depresive. Kjo me qёllimin e vetёm për të lehtësuar vrasësit me njё dёnim kalimtar.
Pasi lexuam akuzёn e hartuar nga prokurori nё fjalё na u duk sikur kishim lexuar aktin e mbrojtjes nga avokati i vrasёsve, ndërkohë qё sipas ligjeve nё Republikёn e Shqipёrisё prokurori akuzon vrasёsit nё mbrojtje tё viktimёs. Nё momentin historik tё miratimit tё reformës nё drejtёsi, ne jemi të shqetësuar pёr kёto dy arsye:
Nё faqen e parё tё akuzës, ku duhet tё bёhet prezantimi i vrasёsit dhe bashkёpunёtorit tё tij, çuditёrisht ekziston vetёm akuza e kёtij tё fundit, ndёrkohё qё akuza (e mёparshme apo aktuale) e vrasёsit mungon.
Arsyeja tjetër e shqetësimit tonë janë parashtrimet e pasakta dhe kontradiktore të prokurorit të çështjes nё akt-akuzё. Po citojmë si me poshtë akt akuzën:
- “I gjendur para kёsaj situate, i pandehuri Gëzim Kajno është ndjerë shumë i fyer dhe në këtë gjendje të rëndë shpirtërore, tronditur psiqikisht pas thënieve të këtyre fjalëve fyese si dhe veprimeve të dhunshme të kryera nga Asllani në drejtim të tij dhe stafit të lokalit, menjëherë aty për aty, ai ka qëlluar me një pistoletë të tip TT në drejtim të Asllan Kërtushës duke e lënë të vrarë atё.”
Ky është njё informacion qё nuk qëndron sepse Asllan Kërtusha nuk ka mbetur i vrarё aty pёr aty siç pёrpiqet ta shesi prokurori por pasi arriti tё hipte i plagosur nё taksi u ndoq nga vrasёsi, u qёllua me shqelma dhe grushta nё tentativё pёr ta nxjerrё nga taksia dhe u qёllua pёr tё dytёn herё nё kraharor. Asllani sipas raportit mjeko – ligjor ka vdekur nё spital dhe jo aty pёr aty siç thotё prokurori.
- Citojmë prokurorin:
“Siç rezulton edhe nga kryerja e pamjeve filmike pas momentit të plagosjes së shtetasit Bledar Kajno, palët në konflikt dalin jashtë kuadrit të fokusimit të pamjes filmike. Nё këto rrethana, siç rezulton nga deklarimet e personave të pranishëm, si dhe dëshmitareve të ngjarjes, viktima Asllan Kërtusha ka qenё shumё i dhunshëm ndaj Gëzimit dhe stafit tё lokalit. Nga pronari i lokalit, si dhe nga stafi i tij nuk ёshtё bërë asnjё veprim provokues ose nxitёs ndaj shtetasit Asllan Kërtusha, përkundrazi gjatë gjithë kohës është bërë përpjekje për të shmangur konfliktin me të. Ka qenë Asllani që ka ushtruar dhunë fizike ndaj pronarit dhe stafit të lokalit”.
Prokurori vazhdon të bjerë në kundërshtim me veten sepse gjatë gjithë kohës thotë se pas plagosjes së kushëririt, Gëzim Kajno ka qenë në gjendje të rënduar psiqike dhe kjo ka qenë arsyeja qe ka qëlluar mbi Asllan Kërtushën. Ndërkohë që më sipër thotë që pas plagosjes së Bledarit, Gëzimi nuk ka ushtruar dhunë mbi Asllanin por ky i fundit i plagosur ka qenë ne gjendje të ushtrojë dhunë ndaj pesë vetëve (!), dy bashkëpunëtorëve nё vrasje dhe stafit.
- Citojmë prokurorin:
“ Gëzim Kajno ka deklaruar se ishte e vërtetë se është afruar te mjeti pasi ka parë se shtetasi Asllan Kërtusha qëndronte te dera e pasagjerit dhe është afruar duke e shtyrë për t’u ulur në sedile të pasagjerit ndërkohë që ka urdhëruar drejtuesin e mjetit që të merrte makinën dhe ta largonte prej aty pa e ditur që Asllani të ishte dëmtuar me plagё me arme zjarri gjer në ato momente nuk i kishte pa dëmtime apo plagë në trup këtij shtetasi”.
Prokurori këtu jo vetëm që bie në kundërshti me atë që tha me sipër se Asllan Kërtusha u qëllua aty për aty dhe mbeti i vdekur, por nuk është në gjendje të kuptojë që vrasësi po gënjen edhe pse kamera tregon më së miri që vrasësi nuk ka qenë aty për të ndihmuar Asllanin por për t’u siguruar që e vrau atë duke e qёlluar pёr herё të dytë.
- Citojmë prokurorin:
“Në rrugë automobilistike (rrugica e lagjjes) mbi asfalt është gjendur gëzhoje metalike që nga ekspertimet e kryera ka rezultuar modeli kalibrit 7.62 mm është fiksuar në tabelë nr/1 në vendngjarje”.
Kjo vërteton që vrasësi më sipër ka gënjyer dhe prokurori çuditërisht nuk e ka kuptuar që gënjen as nga video as nga fakti (i shkruar nga vetë prokurori) që gëzhoja është gjetur në vendin ku ka qenë taksia.
- Citojmë prokurorin:
“Nga kqyrja ka rezultuar se viktima ka patur edhe dëmtime të tjera të shkaktuara me sende të forta që kane rezultuar në formë dermishje dhe një plagë lacero-kontuzive në pjesën e sipërme të kokës”.
Gjatë gjithë akt – akuzёs prokurori, i cili nuk meriton të quhet më i tillë por “avokat” i vrasёsit aludon se Asllani ka ushtruar dhunё fizike mbi vrasësin. Ekziston një raport mjeko – ligjor që pohon se në trupin e Asllanit përveç plumbave janë gjetur dhe shenja dhune nga vrasësit. Ndërkohë që nuk ekziston një raport mjeko – ligjor për dhunë fizike të ushtruar ndaj vrasësit apo stafit siç pohon prokurori më sipër.
- Citojmë prokurorin:
“Për sa me sipër, sjellja e shtetasit Gëzim Kajno në rastin konkret ka qenë e tille (impulsive)”.
Prokurori ka pohuar më sipër se Gëzimi është lajmëruar nga stafi dhe ka ardhur i përgatitur për sherr me armë pa leje, kur fare mirë mund të lajmëronte policinë; gjithashtu ai dhe Asllani kanë qëndruar 30 minuta duke diskutuar në tavolinë gjë që nuk e bën impulsiv veprimin, e pavullnetshme. Përsërisim që ai erdhi i përgatitur me armë, doli jashtë lokalit me vullentin e tij të plotë i shoqëruar me kushëririn duke e ditur që Asllani ishte i paarmatosur, e pa mundur për t’u kontrolluar apo për të vlerësuar pasojat, Përsërisim që sherri nuk nisi ndërmjet Asllanit dhe Gëzimit. Ai mund ta kishte kontrolluar shumë mirë duke mos shkuar si i fortë (forcë që ia jep armbajtja pa leje) po të kishte thirrur organet përkatëse. Ai e ka pasur shumë të mundur shmangien e konfliktit. Sa për pasojat një person që bredh me armë nëpër qytet i din pasojat që mund të ketë përdorimi i tyre. Asnjë nga arsyet që shtron prokurori nuk qëndron: “nga ana psikiatrike ligjore prezanton ulje të përgjegjshmërisë për veprën penale në momentin e kryerjes se saj.
7)Prokurori nënvizon: “Ky fakt tregon më së miri se i pandehuri Gëzim Kajno e ka kryer veprën penale të vrasjes së shtetasit Asllan Kërtusha në gjendje të tronditjes së fortë psikike të shkaktuar nga fyerja e rëndë dhe dhuna fizike e këtij të fundit ndaj tij dhe stafit të lokalit”.
Ky nuk është fakt por interpretim i pa bazë nga ana e prokurorit. Fakte janë qe Gëzim Kajno nuk ishte në sherr po erdhi të futej në sherr, fakt është që Gëzim Kajno erdhi i armatosur dhe i përgatitur për sherr, fakt është që Gëzim Kajno kishte me vete armën, kushëririn dhe komplet stafin kundër një personi të paarmatosur që paska ushtruar kaq shume dhune fizike kundër 5 vetëve sa te arrijë t’i trondisi këta të fundit psiqikisht, fakt është video që e ka parë publiku mbarë që Asllani është ndjekur duke e dhunuar me grushta e shqelma dhe i është shtirë për të dytën herë në kraharor për t’u siguruar që është vrarë, fakt është që në trupin e Asllanit janë gjetur shenja dhune përveç plumbave, fakt është që në trupin e asnjërit prej vrasësve apo të stafit është gjetur shenjë dhune.
Të gjitha faqet e shkruara nga ky prokuror janë interpretime të shëmtuara të ngjarjeve dhe një kopje shabllone e të drejtës penale për të mbushur faqet në mungesë të fakteve që kundërshtojnë akuzën fillestare vrasje me paramendim. Natyrshëm ju shtrojmë pyetjen: Prej kujt duhet të mbrohemi më shumë prej Vrasësit apo prej sistemit të Drejtësisë?
I lutemi Trupit Gjykues të lexojë me vëmendje çdo fjali të kësaj akt akuze ku është e dhimbshme të gjesh kaq shumë kontradikta e fshehje faktesh. Në një shkresë akt-akuzë si kjo, kur lehtë të bie në sy injoranca dhe mungesa e profesionalizmit, është e dhimbshme të zbulosh, që si rrjedhojë kemi të bejmë edhe me një faj moral dhe penal, një faj, që ngatarron pozicionin e prokurorit në mbrojtje të ligjit dhe të së drejtës me atë të avokatit të vrasësve. Lutemi të lexoni dhe të hetoni këtë çështje.
I lutemi instancave qeveritare që mund të veprojnë për të nxitur drejtësinë në këtë çështje. Nuk bëhet më fjalë vetëm për jetën e një të riu po edhe shumë të rinjve të tjerë që janë në rrezik nga mosveprimi i ligjit për drejtësi.
