Policia e Durrësit në bashkëpunim me punonjësit e doganave kanë goditur një tjetër rast të trafikimit të lëndëve narkotike në Portin e këtij qyteti.
Plot 130 kg kanabis u gjetën në një automjet të drejtuar nga Edmond Xhaja, 48 vjeç, i është arrestuar.
Policia thotë se ai drejtonte automjetin tip “Benz”, kamionçinë, me targa AA 143 NC. Në brendësi të ngarkesës me konfeksione u gjetën 100 pako me rreth 130 kg kanabis.
Ndërkohë policia ka shpallur në kërkim edhe 50-vjeçarin A.X. Nga hetimet e kryera dyshohet se ai është organizatori i trafikimit të lëndës narkotike./tvklan.al
