Rama-Topallit: Tundja ambasadorit amerikan, jo mua

Kryeministri Edi Rama ka marrë fjalën në parlament pas Sali Berishës i cili e cilësoi si koka e trafikut të drogës në vend, duke e shndërruar Shqipërinë në Kolumbi. Në fillim fjala e Ramës u ndërpre nga Flamur Noka dhe pas 5 minutash pushim, Rama ka rinisur duke thënë se janë raportet e ndërkombëtareve ato që tregojnë të verteten se sa ka punuar Shqipëria në luftën kundër kanabisit. Gjatë kohës që Rama fliste, deputetja Jozefina Topalli, nga vendi i thoshtë flit për këtë (duke i treguar foton e avionit që ra sot në Ishëm). Rama i është kthyer: Jozefinë, tundja ambasadorit amerikan jo mua. Nuk dihet se pse Rama zgjodhi pikërisht këtë batutë me shumë nënkuptime për znj.Topalli.