A po konsumojmë ne oriz plastik? Ky është një shqetësim për të gjithë qytetarët që kanë lexuar gjatë këtyre ditëve lajme për oriz të importuar nga Kina me përmbajtje plastike.
Opinion.al u interesia pranë Autoritetit Kombëtar Ushqimor për të mësuar më shumë rreth orizit që importohet në vendin tonë dhe kontrolleve që zhvillohen ndaj subjekteve.
Zëdhënësi i këtij institucioni, Granit Sokolaj, thotë se që nga viti 2014 Shqipëria nuk bën import orizi nga Kina. “Referuar statistikave, në që nga 1 Janari i vitit 2014 e deri në këtë moment që po flasim, ne nuk kemi asnjë kompani ushqimore që importon oriz nga Kina”, tha Sokolaj. Më tej ai sqaroi se distributorët shqiptarë furnizohen në vende si: Italia, Greqia, Rumania, Spanja, Egjipti, Vietmani, Rusia, Bullgaria, Paksitani. Po kështu orizi që hyn në Shqipëri shoqërohet me certifikate origjine dhe me fletë analiazh, vijoi ai.
Sipas AKU, nuk ka asnjë arsye për tu sheqetësuar dhe për të krijuar panik ndër konsumatorë. Ai tha se “orizi plastik dallohet me sy të lirë, pasi është i shndritshëm dhe ndryshon nga orizi origjinal”. Inspektorët tanë nuk kanë verejtur raste të tilla, por gjithsesi ai tha se qytetarët mund të denoncojnë në AKU nëse vertet mendojnë se kanë hasur në këto lloj produktesh të dyshimta. /R.Dedaj-Opinion.al
