Partia e çamëve rrit ambicien pas zgjedhjeve në Dibër. Një eksponent i kësaj partie deklaroi në media se nëse fiton kandidati i majtë, PDIU-ja meriton një post ministror.
Ermal Telha, sekretar i Partisë Drejtësi, Integrim e Unitet ka thënë se strukturat e saj në Dibër kanë punuar maksimalisht për fitoren e kandidatit të majtë për bashkinë Dibër, Muharrem Rama.
Duke u ndalur tek lëvizjet e ardhshme të PDIUsë nëse kandidati i majtë fiton zgjedhjet në Dibër, Telha ka thënë në Report Tv se PDIU meriton një post në kabinetin qeverisës, pasi kjo fitore do të tregonte qartë fuqinë e vërtetë të PDIU-së. “Nuk është surprizë rezultati i deritanishëm në Dibër. Ky rezultat është një detaj që tregon forcën e vërtetë të PDIUsë. Nëse Bashkia e Dibrës fitohet nga Muharrem Rama, në e meritojmë një kabinet ministror pasi tregon se PDIU është aleate e fuqishme e ASHE-së” tha Telha.
