Kur qindra maturantë protestojnë se u është mohuar e drejta për tu pranuar në universitete, një tjetër akuzë e fortë i bëhet Qeverisë. Ish-Kryeministri, Sali Berisha, që ka marrë fjalën në foltoren e parlamentit, ka folur gjerësisht për problematikën jo vetëm me pranimet në universitete, por edhe titujt e doktoraturës.
Berisha foli konretisht, duke u shprehur se “Edi Rama kur erdhi në pushtet, bllokoi gjithë procesin e dhënies së doktoraturave në sistemin publik, me qëllim që t’ia kalonte privatit”. Sipas Berishës, Edi Rama ka ndarë 8 milionë euro me Universitetin Europian të Tiranës, i cili ka për administrator Henri Çilin.
Është folur gjithnjë për favorizim të universiteteve private në Shqipëri, por kjo është hera e parë që dalin shifra dhe emra kontret, si të përfshirë në korrupsion.
Berisha rrëfen prapaskenat si Kryeministër
“Kur isha Kryeministër më kërkuan universitetet private që të rris pragun e pranimeve. Nëse futeshim nxënës me 6 e lart në universitete publike më kërkuar ta çoj tek 8 dhe 9. Nuk e bëra.
(I drejtohet Nikollës: je lojëtare e mirë në duart e tij)
A e dini çdo të thotë të fitosh në Gjermani dhe në Greqi dhe të mos të jepet e drejta të studiosh në Shqipëri. Ka një akt të ulët dhe çnerëzor…
Unë vetë mbarova vetë 7-vjeçaren dhe më doli bursa për në Bashkimin Sovjetik dhe ma hoqën bursën. Diktaturë ishte po të drejtën time e nxorra. Më morën bursën jashtë por edhe në Tiranë dhe mora degën që desha.
Ndërsa ky (Rama) është tmerr o zotëri. Ai i FRESSH fiton në 10 preferenca. Janë përjashtuar nxënës me 9.7. Kjo u bë pabesisht, ju dha efekt prapaveprues ligjit. Hiqni nxënësit e mirë dhe fusni ato me 7 në drejtësi.
Në kohën time kishte gjithsej 5 600 studentë të regjistruar tek Privati, sot rezultojnë të regjsitruar 9 200.
I drejtohet Beqajt: Mos fol ti nga mbarapa se ke koecifient intiligjence mizerabël
I drejtohet Ahmetaj: As ti Tom Kruiz se unë të them Tomi e Xherri (qesh) apo jo Pandi…
Unë kërkoj me urgjencë anulimin e shëpndrjes së studentëve të viteve të para.
I drejtohet Haritos: Ku është kushërira e teknologjisë që ka krijuar korrupsion të tmerrshëm me SOROS, ka manipuluar edhe të dhënat e TIA-s për korrupsionin.
Kjo që keni bërë me arsimin është forma më violente më çnejrëzore. Ju do t’ia dëgjoni gjëmën kësaj që po bëni. Të ngrihet një komision dhe të bëhet procesi nga e para. Flisni ju deputetë se në Fier vetëm 2 për qind e maturantëve arritën të marrin shkollën e lartë. Pse të mos flisni ju. Mos u mashtroni!”
Berisha për doktoraturat
“Një fushatë e tmerrshme nisi kur u bë Kryeministër (Rama). Bllokoi të gjtiha doktoraturat në publik. 8 milionë euro ka kërkuar nga një universitet privat, për ti ndarë me ta. Me një universitet që quhet europain por ska asgjë të ngjashme me të. 8 mijë euro paguan studenti për doktoraturë (4 mijë i merr ti ndrikulla, i drejtohet Nikollës)”
