Ka rifilluar pjesa e mbetur e ndeshjes Shqipëri-Maqedoni në Loro Boriçi. Mbrëmë ndeshja u ndërpre në 15 minuatt e fundit, në minutën e 77 për shkak të një rrebeshi shiu. Mbrëmë ndeshja u ndal 1-1 dhe sot Shqipëria kërkon një gol për të fituar ndeshjen e parë në kualifikueset e botërorit.
Siç shihet edhe në këto foto, por dhe në raportimet e gazetarëve nga Shkodra atmosfera është krejt e vakët, ka shumë pak tifozë sot në stadium, për të ndjekur këtë përballje 15 minutëshe.
Ndërkohë lidhur me një raportim të mëparshëm se Berat Gjimshiti është dëmtuar, tashmë shohim se stafi mjekësor ka arritur ta bëjë gati qendërmbrojtësin kuqezi dhe ai është në fushë. Koha në Shkodër është e vranët, ndërkohë që bie një shi i imët.
