Jahmir Hyka ka qenë për disa javë radhazi mes lojtarëve më të spikatur në kampionatin zviceran të futbollit në këtë pjesë të parë të sezonit. Kjo ishte një prej arsyeve se pse trajneri i kombëtares shqiptare, Xhani De Biazi, ktheu përsëri mes kuqezinjve mesfushorin e talentuar.
Por në javën e fundit, të dielën, skuadra e Luzernës, në të cilën aktivizohet Hyka, pësoi një humbje të paparashikuar 3-0 në fushën e St. Galen, ekip që lufton për mbijetesën. Për mediat zvicerane, Hyka ishte mes lojtarëve më zhgënjyes në këtë sfidë.
Si rrjedhojë, e përditshmja zvicerane “Blick”, e ka përfshirë mesfushorin në formacionin e dështimeve të javës së 6 të kampionatit zviceran. “Futbollisti i Luzernës nuk dhuroi asnjë gjë të mirë në ndeshjen ndaj St. Galen”,
