Mjekja e njohur pediatre, Lira Gjika përmes një statusi në facebook ka demaskuar një fenomen që ndodh shpesh dhe në fakt është paradoksale. Bëhet fjalë për ato gjyshe që kërkojnë ti marrin rolin nënës, në rritjen e fëmijës.
Ja statusi i saj i plotë në Facebook
Mesa duket qënka shumë e vështirë që gratë të mund të bëhen gjyshe prej vërteti. Edhe pse ka shumë gjyshe të mira, të thjeshta e të mënçura, që janë krah nënave të reja, shumica lë shumë për të dëshiruar.
I pushton një lloj zilije që nuk arrijnë dot ta komandojnë.
Ndërhyjnë vënd e pa vënd ndërmjet nënës dhe fëmijëve. Pa menduar fare që nipërit dhe mbesat e tyre, duan të dinë fjalën e nënës. Nuk ka gjyshe në botë që mund të zëvëndësojë nënën. Edhe sikur nëna të jetë e keqe, detyra e gjyshes është të mos bëhet më e mirë se nëna, por të ndihmojë nënën që të nxjerri më të mirën nga shpirti për fëmijët e saj, kjo është gjyshja.
Jo ato që ndërhyjnë brutalisht dhe shëmtuar duke përdorur fëmijët dhe duke ja kundërvënë nënës. Këto gjyshe, që me fjalë i duan aq shumë nipërit dhe mbesat, ndërkohë bëjnë gjithçka për të minimizuar figurën e nënës te fëmija. Ky konflikt femër-femër, femër e re-femër e vjetër, i cili fillon e tirret që herët në marëdhënien nënë-vajzë, vazhdon të jetë prezent në ditët tona, po aq I egër sa në kohërat e shkuara.
Natyrisht nënat e reja kanë fituar një lloj kurajo, por prap janë peng i frikës nga nëna/vjehrra. Pasi nuk është konflikt i thjeshtë nuse- vjehrë. Jo, është konflikt pushteti femër femër, nënë –vajzë.
