Një zjarr i përmasave të mëdha ka shkatërruar një shkollë në Selsey, në Angli.
Sipas mediave vendase, ngjarja mësohet se ka ndodhur rreth orës 8:00 të mëngjesit të sotëm.
Ende nuk dihet shkaku i rënies së zjarrit, megjithatë grupi hetimor po punon për zbardhjen e rrethanave të saj. Një pistë e hetimit është edhe ajo e zjarrvënies së qëllimshme.
Në vendngjarje kanë mbërritur forca të shumta zjarrfikëse, forcat e policisë si dhe shërbimet e ambulancës.
Si pasojë e zjarrit janë prekur edhe disa shtëpi të cilat ndodheshin pranë shkollës të cilat kanë mundur t’i vënë nën kontroll flakët.
Në këtë shkollë mësojnë nxënës të moshave nga 11 deri në 16 vjeç. Ajo është hapur në vitin 1963 dhe është rikonstruktuar sipas kushteve bashkëkohore.
Ekipet e shpëtimit njoftuan njerëzit që të qëndronin në ambiente të mbyllura, sa më larg tymit dhe të mbanin dritaret e shtëpive të mbyllura gjithashtu në mënyrë që tymi të mos depërtojë./tvklan.al
