Një ndeshje për t’u harruar, por që në fund Gashi ka shënuar golin e nderit. Kolorado Rapids është mundur me rezultat të thellë nga Nju Jork Siti, por shqiptari ka arritur të realizojë “golin e flamurit”.
Ka qenë minuta e 92 të e takimit, kur miqtë kanë shënuar me anë të sulmuesit të Kombëtares shqiptare për rezultatin përfundimtar 5-1.
Kjo ka qenë një përballje mes skuadrave kryesuese të ligave respektive, ndërkohë që me këtë humbje skuadra e sulmuesit shqiptar ka thyer edhe serinë e ndeshjeve pa humbje.
Kolorado Rapids ndodhet në vendin e dytë me 38 pikë në Ligën Perëndimore, ndërkohë që Nju Jork Siti kryeson atë Lindore me 36 pikë. Lampard ka hapur siparin e golave në takimin që Nju Jork Siti ka fituar përballë Kolorado Rapids me rezultatin 5-1. Një ndeshje thuajse për t’u harruar për skuadrën e Shkëlzen Gashit, e cila nuk ka arritur për asnjë moment të rivalizojë një skuadër që në përbërje ka dy yje të futbollit si Andrea Pirlo dhe Frenk Lampard.
Ky i fundit ka shënuar në minutën e 28-të të takimit, pas një krosimi të Mek Namara. Ndërkohë, takimi është ndërprerë për disa minuta për shkak të motit të keq me rrufe. Në minutën e 37-të të takimit, Kolorado ka mbetur me dhjetë futbollistë për shkak të kartonit të dytë të verdhë që ka marrë Azira.
Në të 42-ën, Teilor ka dyfishuar takimin. Edhe në fraksionin e dytë të lojës, ka qenë Nju Jork Siti që ka vendosur diktatin.
Pavarësisht se Pirlo është zëvendësuar në minutën e 66-të, vendasit kanë vijuar me shënimin e golave për thellimin e rezultatit. Mendoza ka trefishuar dhe Lampard ka shënuar golin e katërt dhe të pestë të takimit. Të fundit me anë të Tuajnolsi një 11-metërshi.
