Kryeministri Edi Rama ka mbërritur në Kuvend, pasi në orën 18:00 pritet që të nisë seanca plenare.
Rama i shoqëruar nga deputeti Eduard Shalsi nuk ka preferuar t’u përgjigjet gazetarëve në lidhje se çfarë po ndodh me reformën në drejtësi.
Ai dukej mjaft i qetë, duke lënë të kuptohet se politika shqiptare është në vigjilje të konsensusit mes palëve.
Mazhoranca dhe LSI kanë rënë dakord me propozimin e fundit të ambasadorëve Lu dhe Vlahutin, ndërkohë kreu i PD Lulzim Basha shprehet se negociatat janë ende në zhvillim.
Konsensusi i arritur mesditën e djeshme mes palëve politike me ndërmjetësimin e eurokomisionerit Hahn, u prish mbrëmjen e djeshme.
