Një operacion i policisë së Riminit, në Itali ka bërë të mundur sekuestrimin e 2.5 kilogramëve kokainë të pastër, e cila në treg do të kishte vlerën e 500.000 eurove dhe vënien në pranga të dy shqiptarëve, 35 dhe 36 vjeç.
Agjentët e policisë kanë gjurmuar lëvizjet e dyshimta që dy personat bënin në afërsi të një picerie. Veçanërisht ato të njërit prej burrave i cili nën drejtimin e një makine SUV me cilindratë të madhe, që qëndronte në pritje të diçkaje.
Sipas mediave italiane, pas disa minutash nga piceria ka dalë një burrë tjetër dhe i cili ka bërë një shenjë një shenjë drejtuesit të makinës SUV dhe më pas ka marrë një tjetër makinë.
Policia i ka ndjekur në një parking dhe më pas nëpërmjet qenit antidrogë ka bërë të mundur, zbulimin e 2,5 kilogramë kokainë të pastër, të fshehur në një ndarje të fshehtë në makinën SUV./tvklan.al
