Pas grabitjes spektakolare dje në Rinas është hapur një debat i madh në vend për përgjegjësit e ngjarjes dhe për Sigurinë Kombëtare. Policia e Shtetit tha dje se është faji i policisë private, ndërsa sot sqaroi gjerësisht situatën, duke deklaruar se: “Në bazë të kontratës mes Qeverise dhe koncensionarit TIA, kamerat e sigurisë dhe ambienti jashtë terminaleve menaxhohet nga TIA dhe jo nga Policia e Shtetit”.
Sakaq, Kryeprokurori Llalla ka deklaruar sot nisjen e hetimeve për disa zyrtarë të Policisë pasi edhe pse ambienti i jashtëm menaxhohet nga privati, policia duhet të ishte në gadishmëri të lartë kundër terrorizmit, pas atentatit të Stambollit.
Ndërkohë edhe dy parti politike, PD dhe LSI kanë bërë përgjegjës Policinë e Shtetit për mungesën e gadishmërisë duke thënë se është cënuar rëndë Siguria Kombëtare.
Por sot, Policia e Shtetit nxjerr të tjera fakte. Drejtuesi i lartë, Ervin Hado shprehet se i ka kërkuar koncensionarit TIA të rrisë masat e sigurisë dhe të shtojnë numrin e kamerave, por kjo e fundit i ka kthyer përgjigje se “nuk është komptencë e juaja”.
Më tej, Hodaj thotë se “duke hasur në këtë vështirësi me koncensionarin i jemi drejtuar një institucioni shtetëror që varet nga ministri i Transporteve Edmond Haxhinasto dhe që ka për detyrë të kontrollojë TIA-n”.
“Për riparimin e mangësive të konstatuara, me shkresë nr 496 protokoll 25 .04.2014 Komisariati i Policisë Kufitare Rinas i është drejtuar Autoritetit të Aviacionit Civil (AAC), me kërkesë për ndërhyre për marrjen e masave të menjëherëshme për zgjidhjen e problemtaikave të konstatuara lidhur me sigurinë në Aereoport, duke i kërkuar Koncesionarit që të zgjidhe menjëherë problemet e sigurisë në përputhje me standartet ndërkombëtare për sigurinë në Aeroporte”, thotë zv.drejtori i Policisë së Shtetit Ervin Hodo. Po sipas tij, “Autoriteti i Aviacionit Civil akoma deri ditën e sotme nuk është kthyer asnjë përgjigje.
Në foto: Ministri Edmond Haxhinasto me drejtorin e Autoritetit të Aviacionit Civil Aleksandër Lipivani
/Opiniona.l
Lexo më shumë këtu: Policia: I Kërkuam TIA të vendosë kamera
