Autoritetet tajlandeze të kafshëve të egra kanë gjetur të vdekur 40 këlyshë tigri në tempullin famëkeq të tigrit të mërkurën përderisa po i largonin kafshët e gjalla nga tempulli si përgjigje ndaj presionit ndërkombëtar mbi dyshimet për abuzim dhe trafikim me tigra.
Reuters shkruan se tempulli budist në krahinën Kanchanaburi në perëndim të Bangkok ishte bërë destinacion për turizëm, ku vizitorët bënin selfie me këlysh tigrash, transmeton Gazeta Express.
Por, tempulli është hetuar për lidhjet e dyshuara me abuzime dhe trafikimin e kafshëve të egra.
Një bastisje që filloi të hënën është veprimi më i fundit në një betejë që nga viti 2001 për t’i sjellë tigrat nën kontrollin e shtetit.
Pjesë të tigrit përdoren në mjekësinë tradicionale kineze.
Dyzetë këlyshit e vdekur u gjendën në një frigorifer në kuzhinë, kështu tha Adisorn Nuchdamrong, zëvendës drejtor gjeneral i Departamentit të Parqeve Kombëtare./Gazeta Express/
