Trajneri italian, Gianni De Biasi ka surprizuar pasi kundërshtarin më të fortë në grup nuk shikon Francën por Rumaninë.
Në një deklaratë për medait nga Austria, De Biasi paralajmëroi se Rumania mund të jetë surpriza e ‘Euro 2016’.
“Nuk e kam parë ndeshjen Rumani-Kongo por i njohim shumë mirë kundërshtarët, i kemi studiuar qindra herë. Mund të them me bindje të plotë se di shumë mirë pikat e forta dhe të dobëta të tre kundërshtarëve që kemi në grup. Jam i sigurt që kundërshtari më i fortë në grup është Rumania dhe mendoj se mund të jetë edhe surpriza e Europianit. Duhet të jemi të kujdesshëm kur të përballemi me ta pasi janë shumë të rrezikshëm”, përfundoi De Biasi.
