Në datën 28 maj Real Madrid dhe Atletico Madrid do t luajnë ndeshjen e fundit të Champions League për këtë sezon, të shtunën. Në mënyrë që ta shohin sa më shumë njerëz. Finalja do të jetë një eveniment botëror. Për ta ruajtur këtë status mesa duket UEFA kërkon të ndryshojë rregullore. Ndeshjet e sezonit 2021/22 do të luhen gjatë fundjavës. Sipas një folësi të UEFA-s: “Jemi në dialog të vazhdueshëm me përfaqësues të ndryshëm. Çdo vendim do të merret pas aprovimit të tyre.”
Deri tani, të gjitha ndeshjet e fazës së grupeve dhe asaj eliminatore zhvillohen gjatë mesit të javës në orën 20:45, një orar që kap Azinë në gjumë të thellë. Pra, për ndeshjen e kaluar midis Bayern dhe Atletico, miliona shikues potencialë janë duke fjetur, në vend që të shohin ndeshjen. një gjendje që mund të detyrojë UEFA-n të ndërhyjë. Në marketing, tregu aziatik sa vjen e bëhet më tërheqës. Premier League angleze ka kohë që vendos oraret në varësi të shikuesve aziatikë. Mos vallë do t’i bashkohet edhe Champions League?
Edhe folësi i UEFA-s pranon: “Mbase është shumë herët për të folur mbi ndryshimet e formatit të Champions League.” Megjithatë: Në sporte të tjerë është arritur që ndeshjet e Champions Leagu të jepen gjatë fundjavës, si në hendboll ashtu edhe në regbi. Por që diçka e tillë të ndodhë edhe në futboll, duhet të jenë dakord edhe federatat e ligave evropiane, në mënyrë që të ndryshojnë oraret e ndeshjeve të kampionateve të tyre, duke i kthyer kështu gjatë mesit të javës.
