Ditën e djeshme Berlusconi ka qenë i zënë me një ndeshje tjetër: në Romë janë zyrtarizuar kandidatët për bashkinë e kryeqytetit italian të qendrës së djathtë. Për këtë arsye Silvio ka qenë para televizorit për të ndjekur një sfidë tjetër, ndeshjen e parë të Brocchi-t në “San Siro” (dhe nuk ka mbetur i kënaqur).
Berlusconi ka zgjedhur Cristian për të drejtuar Milan-in, një tjetër sinjal që tregon se sa i lidhur është presidenti me skuadrën. Përtej Carpi-t dhe fundit të sezonit, ai po mendon për të ardhmen: qëllimi, i theksuar edhe mbrëmjen e djeshme gjatë mbledhjes politike të partisë, është ta kthejë Milan-in të madh, edhe pse mund t’i duhet të shesë kuotat e klubit.
Nëse me Z. Bee diskutohej për 48% të aksioneve, grupi i fundit që ka shprehur interes kërkon më shumë dhe për një shifër më të ulët. Në vend që të pyesë veten për sasinë e kuotave që duhet të nxjerrë në shitje, Berlusconi (sigurisht i hidhëruar për dështimin pothuajse të sigurt të negociatave me Taechaubol: ka një ultimatum për fundin e kampionatit…) është i përqendruar te gjetja e një blerësi të besueshëm: “Nëse shes kuotat, – i ka thënë bashkëbiseduesve të tij, – do ta bëjë këtë në mënyrë që historia e lavdishme e klubit të vazhdojë”. Zgjidhja e fundit është ajo e një grupi kinez, që është i gatshëm të ofrojë 700 milionë euro për të pasur kontrollin total të klubit.
