Policia ka reaguar në lidhje me aksidentin e Ministrit Ditmir Bushati me anë të një komunikate për mediat.
Sipas policisë, ngjarja ka ndodhur në vendin e quajtur Ura Fanit, rreth orës 18:30, në dalje të Autostradës Kalimash-Rrëshen.
Ajo bën me dije se aksidenti automobilistik nuk ka pasur të dëmtuar në njerëz, por veçse në dëme materiale.
Njoftimi i Policisë
Sot me datë 08.04.2016 në oren 18:30 në vendin e quajtur Ura Fanit, në dalje të Autostradës Kalimash-Rrëshen, ka ndodhur një aksident automobilistik me pasoje vetëm dëme materiale (karambol) ndërmjet dy mjeteve të Ministrisë së Punëve të Jashtme, ne njërën prej të cilave ndodhej Ministri Ditmir Bushati.
Në vendngjarje u kryen të gjitha veprimet administrative nga Seksioni i Policisë Rrugore i Komisariatit të Policisë Mirditë për t’u trajtuar nga kompanitë e sigurimit për dëmin e shkaktuar.
Ministri Bushati dhe të gjithë personat e tjerë që ndodheshin në të dy mjetet nuk kanë asnjë dëmtim.
