Pavarësisht ashpërsimit të dënimit për vrasjet në famije, ata nuk kanë të ndalur. Vetëm gjatë këtij viti janë regjistruar 6 viktima në familje, duke përjashtuar këtu rastet e vrasjeve të mbetura në tentative, plagosjet apo dhunën në familje që janë të shumta në numër.
ABC News ka mësuar se krimet në familje në të shumtën e rasteve vijnë për shkak të pronave, dhunës së vazhdueshme në familje, konfliktit të çastit apo prishjes së një martese apo fejese. Këto të fundit, janë bërë më të shpeshta në Shqipëri gjatë këtyre 3 muajve.
Sipas policisë, vetëm gjatë këtyre 20 ditëve ka ndodhur dy vrasje. Ajo e ndodhur në fshatin Shalë të Cërrikut ku për shkak të problemeve mes dy familjeve, vritet miku i shtëpisë dhe më pas inskenohet si grabitje. Por disa ditë më pas, policia arrestoi dy autorët e dyshuar, babë e bir të cilët kishin vrarë fqinjin me dyshimin se kishin si qëllim grabitjen. Por më 18 mars, vritet në Kashari shtetasi Skënder Aluku, babai i të dënuarit me 23 vjet burg për vrasjen e ish-vjehrrit dhe plagosjen e vjehrrës për prishjen e një fejese. Kjo vrasje nuk është e fundit, policia dyshon se edhe atentati I dështuar ndaj Lulzim Kazanit pak ditë më parë dyshohet se është kryer nga kunterit. Por kjo mbetet ende në fazën e dyshimeve për shkak se policia dhe prokuroria ende nuk kanë gjetur ndonjë provë konkrete që implikon tre kunetërit në atentatin e dështuar ndaj Kazanit, që mbeti i plagosur.
Referuar proceseve gjyqësore pranë Gjykatës së Krimeve të Rënda, ku tashmë është kompetencë për gjykimin e rasteve të vrasjes brenda familjes janë dhënë 21 vendime dënimi me burgime kapitale nga qershori i 2014 kur ka hy ligji në fuqi. Ndërsa 19 vendime për vrasje të mbetur në tentativë në nivel kombëtar. Këtyre rasteve i shtohen edhe dënimet me shtrim të detyrueshëm në spitalin psikiatrik në 7 raste, pasi autorët e vrasjeve brenda familjes kanë qenë me problem mendore dhe të papërgjegjshëm para ligjit
