Ende nuk ka të dhëna të sakta, se sa refugjatë janë mbytur në det në kufirin midis Turqisë dhe Greqisë.
Por trupat e tyre shfaqen mbi ujë, muaj më vonë pranë brigjeve të Greqisë.
Ndërkaq, autoritetet lokale personat e mbytur i ruan nëpër frigoriferë, dhe deri vonë varroseshin nga ortodoksë.
Dhe këtë punë e kishte filluar para dy muajve, edhe 30-vjeçari Mustafa Dava nga Egjipti.
“Nga Egjipti në Greqi kam ardhur në vitin 2007, për të studiuar letërsinë greke. Në Lesbos kam ardhur vitin e kaluar. Fillimisht kam punuar si përkthyes duke ndihmuar vullnetarët. Pastaj fillova të varrosi refugjatët”, ka rrëfyer historinë e tij për Al-Jazeera
Ai thotë se e njeh mirë Islamin, dhe se për të ka mësuar në Egjipt për 16 vite.
“Kam pasur rastin të shoh, se si njerëzit e vdekur në Lesbos ruheshin për 40 ditë në frigoriferë. Dhe kështu një ditë me disa miq, shkova tek kryetari i Lesbos dhe i kërkova të na ndajë një parcelë tokë që ta shndërrojmë në varreza myslimane. Falë Zotit ai e miratoi kërkesën tonë, ku edhe filluam të varrosim njerëzit që ruheshin nëpër frigoriferë”, ka shtuar Dava.
Ai thotë se ky nuk është profesioni i tij, dhe se me këtë punë nuk është marrë në Egjipt. Por se imazhet e njerëzve të vdekur e brengosnin.
“Ata ishin nëpër frigoriferë. Kur unë jetoj fare pranë tyre dhe bëj një jetë normale, ha, pi ujë të pastër… I varrosi, i pastroj trupat e tyre dhe të gjithë i drejtoj kah Meka”, ka shtuar Dava.
