Pas paraqitjes jo të mirë që bëri në ndeshjen e fundit ndaj Milanit, kritikat nuk kanë të sosur ndaj Mario Balotelit.
Ish-mbrojtësi i Liverpulit, Jamie Carragher shpreson që sulmuesi i Milanit, të shkojë në Superligën kineze. Në një intervistë për mediat britanike, Carragher, deklaron se Baloteli, nuk ka bërë një paraqitje dinjitoze me Liverpulin, skuadra nga ku më pas ai u huazua te kuqezinjtë.
“Nuk mund të besoj që morëm Mario Balotelin. Fakti është që mbi Balotelin flasin të gjithë se sa qesharak është jashtë fushës, por nuk do të flisja nëse do të kishte rezultuar i suksesshëm me Liverpulin.
Njerëzit më thonë se ai ka talent, por unë nuk kujtoj të ketë bërë një ndeshje të mirë. Lutem me gjithë zemër që dikush ta blejë në Superligën kineze. Nuk besoj se dikush do ta marrë në Premier Ligë”,-ka thënë Carrahger.
Ai njihet si një idhul për tifozët e skuadrës së drejtuar nga Jurgen Klop, pasi ka luajtur 737 ndeshje zyrtare.
