Surprizuese/ Ja kush janë besnikët e Ramës që i dolën kundër referendumit të propozuar prej tij

Edi Rama foli sot në Asamblenë Kombëtare të Partisë Socialiste për referendum për zgjedhjen e kryetarit të PS-së në Kongresin e datës 19 mars. Por kishte nga ata që ishin kundër këtij propozimi të kreut të Partisë Socialiste. Kundër referendumit doli hapur Ministri i Brendshëm Sajmiri Tahiri, i njohur për afrimitetin e tij me Ramën. Tahiri tha se: “ska nevojë per referendum”. Ndërkohë që kundër mbajtjes së një referendumi foli edhe Bashkim Fino, i cili deklaroi publikisht, qëndrimin e tij kundër. Po kështu kërkesa e Ramës për referendum nuk u hodh në votim sot në Asamble. Sipas statutit të drejtën për referendum e ka 1/3 e anëtarësisë ose Asambleja Kombëtare e cila vendos për referendumet. Gramoz Ruçi kur bëri konkluzionet e mbledhjes nuk foli për referendum për mandatin e kryetarit por vetëm për të drejtë mocioni ndaj kryetarit, duke thënë se kjo e drejtë njihet nga statuti!