Rreth pesë vjet më parë, 71-vjeçari Joao Pereira de Souza gjeti një pinguin të mbuluar me vaj dhe në gjendje jo të mirë në një ishull në brigjet e Rio De Janeiro. Që prej asaj kohe, një miqësi ka lindur mes tyre.
Qëkur ata janë takuar në vitin 2011, krijesa, e cila zakonisht ushqehet në brigjet e Argjentinës dhe Kilit, ka bërë një shok besnik. Ai noton çdo vit nga habitati i tij për të jetuar me peshkatarin në shtëpinë e tij në ishull.
“Unë e dua pinguinin sikur të ishte fëmija im dhe besoj se edhe ai më do mua. Pinguini nuk lejon askënd që ta prekë veç meje, ai i çukit nëse e bëjnë. Ai shtrihet në prehrin tim, më lejon ta ushqej, ta laj dhe ta mbaj”, tha Pereira, i cili e ka quajtur pinguin Dindim.
