Presidentja në largim, Atifete Jahjaga, edhe pas përfundimit të mandatit, do të marrë pagën në vlerë prej 70 përqind të asaj, pra rreth 2500 euro në muaj.
Jahjaga do të ketë shoqërues të paguar nga shteti për tre vitet e ardhshme.
Mandati i Atifete Jahjagës i përfundon më 6 prill të këtij viti.
Ajo kishte ardhur në krye të Shtetit nga pozita e Zëvendësdrejtoreshës së Policisë së Kosovës, shkruan Gazeta Express.
Jahjaga u votua me konsensus pas largimit te Pacollit nga pozita e Presidentit. Në vitin 2011, LDK, PDK dhe AKR ranë dakord për një president njëvjeçar, por Gjykata Kushtetuese, kishte konstatuar se Presidenti duhet të ketë mandat 5 vjeçar.
Atifete Jahjaga kishte dëgjuar Gjykatën e jo Marrëveshjen e tri partive, deputetët e të cilëve e patën votuar për Shefe të Shtetit. Sidoqoftë, Jahjaga pati shpresuar se mund t’i vazhdohet mandati edhe për pesë vite duke e parë krizën politike. Por, tash në krye të Shtetit është votuar Hashim Thaçi.
Gjatë pesë viteve në Presidencë, Jahjaga ka arritur të ketë në llogari bankare më shumë se 85 mijë euro.
