Shkrimtarja Flutura Acka reagon ndaj shprehjes së Luan Ramës së LSI se përgjimet Meta-Ismailaj janë triller prostiutash.
Përmes një shënimi në faqen e saj në Facebook, ajo i kujton Ramës se prostitutat u kanë zbukuruar jetën prandaj duhet të shpëlajnë gojën para se t’i përmendin.
Statusi i në FB i Ackes: Po mua me duket si ‘triller horrash’, z. Rama
“Sigurisht, nuk po merrem me lajmin qe solli lajmin, sepse komenti do te ishte shume i gjate, dhe gjuha mund te ma tradhetonte urtesine. Po merrem vetem me shprehjen e perdorur nga politikani yne, nje djale qe e njoh dhe e cmoj per natyren e tij paqetore: “triller prostitutash” ne fjalen e tij.
Pjesa me e madhe e politikaneve shqiptare duhet te shpelajne gojen para se te perdorin termin “prostitute”, pasi shume syresh (edhe ato shqiptare) jane shume me te ndershme se ata, por edhe sepse shpesh u kane sherbyer me hiret e tyre, duke ua zbukuruar jeten e tyre luksoze por te zymte (shpesh prej pengjeve te luksit te tyre), por edhe sepse eshte antihumane ne ditet e sodit te perdoresh termin “prostitute” sa kohe cdokush pergjigjet vete per trupin e vet.
Eshte rasti t’i kujtoj politikanit tone se eshte tashme nje debat i hapur publik sot ne bote mbi kete ceshtje. Madje edhe mes Amnesty International dhe shoqatave per mbrojtjen ndaj trafikut, nese profesioni i prostitutes te jete nje e drejte ligjore dhe morale? Debat ky qe ka perfshire figura shume te njohura te artit dhe medias.
Qe te mos e zgjas, po i rekomandoj zotit Rama, dhe ndokujt qe do t’i duhet ndonje dite, te perdore togefjaleshin “triller horrash”. Ju shkon mire edhe me gjinine, edhe me bemat.
