Gjelbërimi i rrugës Surrel-Shkozë do të bëhet nga biznesi familjar i kryetarit të Partisë Socialiste të Prezës, Lavdi Kajmaku.
Në bashkëpunim me një subjekt tjetër, biznesmeni Kajmaku ka përfituar rreth 33 milionë lekë të reja nga buxheti i shtetit.
Emri i Agim Kajmakut u përmend edhe më herët. Një muaj para zgjedhjeve të qershorit 2013 biznesi i luleve të familjes kajmaku digjet. Në qendër të sulmit ishte xhaxhai i Agim Kajmakut, Lavdi Kajmaku, kryetar i partisë socialiste të Prezës.
“Prej disa kohësh në krye të Partisë Socialiste në komunën Prezë, Lavdi Kajmaku njëkohësisht dhe pronar i firmës së luleve Kaimaku denoncon zjarrvënien në pronën e tij si një akt të qëllimshëm që sipas tij ka lidhje me postin politik që ai mban.”
Tre vjet pas djegjes së fidanishtes dhe një vit pasi goditi shefin e kabinetit të kryebashkiakut ismaili në vorë, nipi I kryetarit të socialistëve të prezës është përzgjedhur për të gjelbëruar rrugën që të con në banesën e kryeministrit.
32.330.987 lekë pa tvsh është fondi për “Rehabilitimi i gjelbërimit anësor në rrugën IKV-Surrel dhe rrethrrotullimi Shkozë” I publikuar në buletinin e parë të prokurimeve publike për vitin 2016, fituesit janë: Bashkimi Operatoreve Ekonomike “Hastoci” shpk (34%) dhe “Kajmaku” shpk. (66%).
Nëse i shtojmë dhe VENDIMIN Nr. 14, datë 23.9.2014 të komitetit për zhvillimin e rajoneve i cili I jep 417,207,528 lekë për Rikonstruksionin e rrugës Porcelan – Kinostudio – Surrel, shuma që merr rruga drejt fshatit të kryeministrit, për dy vjet është rreth 450 milionë lekë të reja pa tvsh.
Pjesa më e madhe e kësaj shume shkon për biznesin familjar të kryetarit të Partisë Socialiste të fshatit Prezë, shumë aktivë në të dyja zgjedhjet e fundit në vend. /abc/
