Dëgjohen 5 orë përgjime të imamëve xhihadistë në Gjykatën e Krimeve të Rënda

Për rreth 5 orë janë dëgjuar në sallën e gjyqit te Gjykatën e Krimeve të Rënda përgjimet ambientale të kryera brenda xhamisë nga prokuroria në dosjen penale në ngarkim të 9 të arrestuarve për terrorizëm. Përgjimet ambientale u takonin ditëve te faljes së xhumasë nga besimtarët myslimane në xhamin e Unazës së re dhe asaj të fshatit Mëzes, ku dy imamët e vetëshpallur predikonin fenë islame. Gjatë dëgjimit  të përgjimeve, kanë reaguar edhe të pandehurit të cilët në asnjë rast nuk kanë pretenduar se predikonin për terrorizëm, pavarësisht pretendimeve të prokurorisë. Edhe seanca e radhës do të vazhdojë me dëgjimin e përgjimeve nga trupi gjykues i Gjykatës per Krime te Renda.