Ndonëse xhiro e bizneseve është ngadalësuar ndjeshëm (ndryshimi vjetor i indeksit të shifrës së afarizmit në volum pasqyron rritje prej 0,5 % në aktivitetet ekonomike të mbuluara në anketën e INSTAT), punësimi ka vijuar me tendenca pozitive në pjesën më të madhe të sektorëve. (Lexo: Bie ndjeshem xhiro e bizneseve). Kjo tendencë mund të reflektojë dhe një formalizim të punësimit në gusht e shtator, pas fillimit të aksionit kundër informalitetit.
Industri
Gjatë tremujorit të tretë 2015, ndryshimi vjetor i numrit i të të punësuarve me pagesë në ndërmarrjet që operojnë në aktivitetin “Industri” (Industri nxjerrëse dhe përpunuese) paraqet rritje 6,9 % krahasuar me tremujorin e tretë 2014.
Ky tregues paraqitet me rritje edhe në aktivitetet “Energji elektrike, gaz, avull” me 14,6 % dhe “Grumbullimi, trajtimi dhe furnizimi me ujë” me 15,3 %.
Ndryshimi tremujor i numrit të të punësuarve me pagesë në ndërmarrjet e aktivitetit “Industri” paraqet rritje prej 3,7 %.
Gjatë tremujorit të tretë 2015, ndryshimi vjetor i nivelit të fondit të pagave shënoi një rritje prej 4,3 % në “Industri”, ndryshim i cili vjen kryesisht nga rritja e këtij treguesi në aktivitetin “Industri përpunuese” me 11,1 %.
Aktiviteti “Energji elektrike, gaz, avull” u rrit me 1,3 % ndërsa aktiviteti “Grumbullimi, trajtimi dhe furnizimi me ujë”, u rrit me 9,1 %.
Ndryshimi tremujor i fondit të pagave shënoi rritje me 2,1 % në aktivitetin “Industri”, rritje e cila vjen kryesisht nga ndikimi i aktivitetit “Industri përpunuese” me 3,3 %. Gjithashtu, ky tregues shënoi rritje në aktivitetin “Grumbullimi, trajtimi dhe furnizimi me ujë”, me 1,8 %.
Ndërtim
Ndryshimi vjetor i indeksit të numrit të të punësuarve me pagesë në aktivitetin “Ndërtim” në tremujorin e tretë 2015 paraqet rritje prej 8,9 % krahasuar me tremujorin e tretë 2014, fondi i pagave, për ndërmarrjet që operojnë në aktivitetin “Ndërtim”, shënoi një rritje prej 15,3 % gjatë së njëjtës periudh
Shërbime
Në tremujorin e tretë 2015, në aktivitetet “Shërbime” ka një rritje të numrit të të punësuarve me pagesë me 14,6 % krahasuar me të njejtën periudhe të një viti më parë. Kontributin më të madh në këtë rritje e kanë dhënë kryesisht aktiviteti “Tregti me shumicë” me 18,5 % dhe aktiviteti “Informacion dhe komunikacion” me 9,1 %.
Në tremujorin e tretë 2015, ndryshimi tremujor në ndërmarrjet që operojnë në “Shërbime” paraqet rritje të numrit të të punësuarve me pagesë me 3,1 %, krahasuar me tremujorin e dytë 2015. Në këtë rritje kanë ndikuar kryesisht aktivitetet “Tregti me shumicë” me me 2,5 % dhe aktiviteti “Informacioni dhe komunikacion” me 1,4 %.
Në aktivitetin “Shërbime”, ndryshimi vjetor, në tremujorin e tretë 2015, paraqet një rritje të fondit të pagave me 12,3 % krahasuar me të njëjtën periudhë të një viti më parë. Kontribut kryesor në rritjen e këtij treguesi kanë dhënë kryesisht aktivitetet “Tregti me shumicë” me 13,7 % dhe aktiviteti “Informacioni dhe komunikacion” me 12,6 %.
Ndryshimi tremujor i fondit të pagave paraqitet me rritje 0,3 % në tremujorin e tretë 2015 krahasuar me tremujorin e dytë 2015, në aktivitetin “Shërbime”. Në këtë rritje kanë ndikuar kryesisht aktivitetet “Transport dhe magazinim” me 3,6 % dhe aktiviteti “Hotele” me 13,4 %.
Në tremujorin e tretë 2015, në ndërmarrjet që operojnë në aktivitetin “Tregti me shumicë”, ndryshimi vjetor i indeksit të numrit të të punësuarve me pagesë paraqet rritje 18,5 % krahasuar me tremujorin e tretë 2014.
Ndërsa, ndryshimi tremujor i këtij treguesi në aktivitetin “Tregti me shumicë” paraqet rritje 2,5 % krahasuar me tremujorin e dytë 2015.
Në aktivitetin “Tregti me shumicë”, ndryshimi vjetor, në tremujorin e tretë 2015 paraqet një rritje të fondit të pagave me 13,7 % krahasuar me të njëjtën periudhë të një viti më parë, ndërkaq në aktivitetin “Tregti me pakicë dhe shumicë e automjeteve dhe riparimi i automjeteve” rritje me 16,5 %.
Në ndryshim tremujor, ky tregues paraqet rënie 0,4 % në aktivitetin “Tregti me shumicë”, ndërsa në aktivitetin “Tregti me pakicë dhe shumicë e automjeteve dhe riparimi i automjeteve” ka patur rritje me 5 % krahasuar me tremujorin e dytë 2015.
Ndryshimi vjetor i indeksit të numrit të të punësuarve me pagesë në aktivitetin “Transport dhe magazinim” paraqet rënie me 1,1 % krahasuar me tremujorin e tretë 2014.
Ndërsa, indeksi i numrit të të punësuarve me pagesë në aktivitetin “Transport dhe magazinim”, në ndryshim tremujor, shënoi rritje me 1,3 % krahasuar me tremujorin e dytë 2015.
Referuar të njëjtit aktivitet, ndryshimi vjetor i indeksit të fondit të pagave paraqitet rënie 13,5 %.
Krahasuar me tremujorin e dytë 2015, indeksi i fondit të pagave paraqitet me rritje 3,6 % në këtë tremujor në aktivitetin “Transport dhe magazinim” .
Hotele
Ndryshimi vjetor i indeksit të numrit të të punësuarve me pagesë në tremujorin e tretë 2015 paraqet rritje 15,8 %, ndërsa në ndryshim tremujor, krahasuar me tremujorin e dytë 2015, ky tregues paraqet rritje 16,2 %.
Ndryshimi vjetor i fondit të pagave në ndërmarrjet e aktivitetit “Hotele” paraqet rritje 13,3 % krahasuar me tremujorin e tretë 2015, ndërsa në ndryshim tremujor, krahasuar me tremujorin e dytë 2015, ky tregues paraqet rritje 13,4 %.
Informacioni dhe Komunikacioni
Indeksi i numrit të të punësuarve me pagesë, në aktivitetin “Informacioni dhe Komunikacioni”, në ndryshim vjetor, paraqitet me rritje 9,1 % në tremujorin e tretë 2015 krahasuar me tremujorin e tretë 2014.
Ndryshimi tremujor i indeksit të numrit të të punësuarve me pagesë referuar të njejtit aktivitet paraqet rritje 1,4 %.
Fondi i pagave në aktivitetin “Informacioni dhe komunikacioni” paraqitet me rritje 12,6 % në tremujorin tretë 2015 krahasuar me tremujorin e tretë 2014, ndërsa ndryshimi tremujor i indeksit të fondit të pagave paraqet rënie 9,1 % në krahasim me tremujorin e dytë 2015.
Aktivitete arkitekture dhe inxhinierike
Ndryshimi vjetor i indeksit të numrit të të punësuarve me pagesë në aktivitetin “Aktivitete arkitekture dhe inxhinierike” paraqet rritje 11,8 %, krahasuar me tremujorin e tretë 2014, ndërsa në ndryshim tremujor, referuar të njëjtit aktivitet, indeksi i numrit të të punësuarve me pagesë paraqitet me rritje 0,8 %.
Ndryshimi vjetor i indeksit të fondit të pagave në aktivitetin “Aktivitete arkitekture dhe inxinierike” paraqet rritje 19,2 % krahasuar me tremujorin e tretë 2014.
Me rritje 1,2 % paraqitet indeksi i fondit të pagave në këtë tremujor, referuar të njëjtit aktivitet, krahasuar me tremujorin e dytë 2015.
Agjenci udhëtimi
Ndryshimi vjetor i indeksit të numrit të të punësuarve me pagesë në aktivitetin “Agjenci udhëtimi” paraqet rritje 27,5 % krahasuar me tremujorin e tretë 2014, ndërkaq edhe në ndryshim tremujor, indeksi i numrit të të punësuarve me pagesë në këtë aktivitet paraqitet me rritje 6,4 % krahasuar me tremujorin e dytë 2015.
Indeksi i fondit të pagave, në ndryshim vjetor, në aktivitetin “Agjenci udhëtimi” paraqitet me rritje 27,7 % krahasuar me tremujorin e tretë 2014, ndërkaq në ndryshim tremujor, ky tregues paraqitet me rritje 8,2 % krahasuar me tremujorin e dytë 2015. (Monitor)
