TIRANË- Ndryshe nga herët e tjera sot në takimin e së premtes mes krerëve të mazhorancës ishte edhe Shpëtim Idrizi. Takimi u zhvillua si gjithnjë tek vila 30 përballë Kryesisë së Kuvendit. Në përfundim të takimit, ku morën pjesë Rama, Meta, Idrizi, krerët e grupeve dhe disa ministra foli vetëm Arben Ahmetaj. Pyetjes së gazetarëve për pjesmarrjen e Idrizit në këtë mbledhje, Ahmetaj tha se PDIU është pjesë e koalicionit të majtë, dhe të gjitha vendimet do të jenë unike.
Kujtojmë se PDIU u bë pjesë e koalicionit të majtë në prag të zgjedhjeve lokale të qershorit 2015. Kjo parti është ankuar disa herë për përfaqësim të ulët në institucione.
