Një ekzekutim i vërtetë përpara dy fëmijëve të mitur. Gjin Preducaj ka goditur për vdekje bashkëshorten e tij Mariana Preducaj, pas një zënke të përfunduar në tragjedi. Ngjarja ka ndodhur në Itali në qytetin e Varezes rreth orës 2:30 të mëngjesit të ditës së mërkurë.
Mediat italiane shkruajnë se shqiptari 42 – vjeçar ka goditur bashkëshorten 32 -vjeç me thikë, teksa kjo e fundit ishte duke fjetur në dhomën e gjumit pranë djalit të vogël 3 – vjeçar. Më pas ai i ka telefonuar kunatën duke i thënë se “çdo gjë kishte marrë fund”.
Karabinierët e mbërritur në vendngjarje vunë në pranga shqiptarin, i cili e pranoi krimin. Pasi rrëfeu se kishte qenë ai autori i vrasjes dhe dorëzoi armën e krimit, 42-vjeçari nuk kishte thënë më asnjë fjalë. Duke mos shpjeguar arsyet e veprimit të tij makabër.
Sipas autoriteteve italiane pistat e hetimit janë disa, nga xhelozia tek situata e vështirë ekonimike dhe familiare, por hetimet vazhdojnë për zbardhjen e krimit.
Ndërkaq fqinjët shqiptarëve shprehen se ndihen thellësisht të tronditur. Ata i përshkruajnë çiftin si persona shumë të qetë, që nuk kanë shkaktuar asnjëherë probleme.
