Ministri i Drejtësisë, Ylli Manjani, ka urdhëruar Drejtorinë e Burgjeve që të nisë procedurat e shkarkimit për një punonjës që është denoncuar për dhunë në familje.
Sipas ministrit të Drejtësisë, ai është njoftuar se punonjësi Kreshnik Dervishi, është denoncuar nga familjarët për ushtrim dhune.
“Menjëherë urdhëroj strukturat përgjegjëse për shkarkimin e menjëhershëm nga detyra të punonjësit të burgjeve në Durrës, Kreshnik Dervishi. Ministria e Drejtësisë fton Prokurorinë të hetojë dhe të vendosë para përgjegjësisë të denoncuarin. Persona të tillë nuk meritojnë të jenë në shërbimin publik”, deklaroi Manjani.
