Debatet e forta në “Dance With Me”, janë komentuar dje dhe sot në të gjitha portalet mediat. Robert Aliaj ka postuar sot në rrjetet sociale një status për spektaklin e djeshëm, ku i cilëson shumë të ulëta debatet e krijuara. “Nuk ka gjë më të tmerrshme se injoranca”, shkruan Berti në Facebook. Ndërsa Opinion.al ka kontaktuar me konkurrentët e DWM, ku disa prej tyre nuk kanë preferuar të prononcohen dhe disa të tjerë janë shprehur kështu:
Markela Dede
Nuk kam fjalë, po fola shumë i jap shumë pikë. Më vjen keq që publiku shqiptar ka ngelur të gjykohet nga duart e “manekyristi”. Ashtu sic me vjen keq që vlerat dhe kultura e popullit shqiptar brez pas brezi kanë ngelur të gjykohen nga një pseudo artist.
Drini Zeqo
Unë mendoj se duhet të mos ndalemi tek gjërat e vogla. Por duhet respekt për punën e kujtdo. Edhe për ata që punojnë me orë te tëra në palestër edhe për panelin e jurisë. Personalisht 4 pikët nga Berti mu dukën të padrejta natën e shkuar.
Albërie Hadërgjonaj
Kam mësuar që njerëzit e mençur flasin pak.
Viola Spiro
Për mua ai nuk ekziston fare.
Labinot Gashi
Në një show televiziv, nuk ka nevojë për sharje dhe fyerje.
Roza Lati
Mua më pëlqu shumë qëndrimi i Violës, ishte shumë diplomate me qëndrimin që pati. Qëkur i tha do të të sugjeroja të kërceje me gjyshen time, apo kur i tha faleminderit që më ke bërë shumë të famshme në rrjetet sociale duke postuar foto me mua, ku pas vajzës tënde unë isha fytyra më e bukur. Inteligjenca e VIolës më pëlqeu shumë, por në transmetim “live”, situata del nga kontrolli. Por më shumë përshtypje të mira kam për veten time (qesh) që imitova të gjitha konkurrentet femra.
