TIRANE- Reforma në drejtësi, ajo që po mban peng për kaq muaj politikën aktive në Shqipëri shumë shpejt mund të jetë molla e sherrit edhe mes aleateve të Qeverisë. Dorëheqja e ministrit Naço, pas së cilës vetëm naivet mund të mendojnë se ka shkaqe personale në të vertetë fsheh pakënaqësinë që LSI ka për reformën në drejtësi.
Disa drejtues të saj prej javësh kanë artikuluar mospajtime me draftin e socialisteve, madje ata kanë këmbengulur që përfshirja e PD-së në këtë proces është e domosdoshme. Këto fjalë kanë rënë deri më sot në vesh të shurdhër, ndërsa Kryeministri duket se nuk shqetësohet për atë çka mendojnë aleatët e tij.
Nuk kanë munguar gjatë këtyre javëve dhe “flirtimi” që LSI ka patur me PD për këtë reformë, nisur dhe nga fjalët se Rama i ka ofruar Bashës konsensur për rritjen e primit në kodin zgjedhor. Gjë që automatikisht vështirëson pozicionin e LSI në rast të zgjedhjeve të parakohshme.
Këtë fakt e konfirmoi në një interviste dhe ish kryetari Berisha, i cili tha se në asnjë rast PD nuk ka pranuar “ofertën” e Edi Ramës.
Pakenaqesisë për reformën në drejtësi sigurisht i bashkohen dhe qejfmbetje të tjera, që kulmuan pas rezultatit të zgjedhjeve lokale në disa zona ku LSI kishte kandidatët e saj.
Edhe pse gjatë kësaj kohe Meta dhe Rama janë takuar (gjithmonë shoqëruar nga stafet e ngushta) pakkush ka besuar se marrdhëniet brenda mazhorënces janë ato të fillimit.
Në takimin e tyre të fundit, të premten e kaluar Rama dhe Meta nëpërmjet zëdhënësve u përpoqën sërish të japin përshtypjen e një koalicioni solid, ndërsa mbetet e paqarte nëse është folur apo jo për lëvizje të mundshme në kabinetin qeveritar. Që për hir të së vërtetës ka qenë një nga kërkesat e vazhdueshem të kryetarit te LSI. Ndaj me këtë lëvizje, Meta qartas i ka hedhur dorashken partnerit te tij ne qeveri.
Ditet dhe javet ne vazhdim do të tregojnë dhe reagimin e Ramës. A do të mbetet ai besnik i deklaratave se Qeveria nuk ka nevojë për ndryshime? Apo do të zmbrapset përballë presionit të LSI? Gjithçka mbetet e paqartë dhe nuk është ndoshta e pamundur që palët ndërkohë të përgatisin skuadrat dhe për “beteja” më të ashpra se kjo e sotmja.
