Në emisionin “Opinion” është publikuar një video që tregon Nikoll Radaçi duke drejtuar automjetin e tij me shpejtësi të lartë pak sekonda para aksidentit të rëndë në Durrës, duke u marrë jetën dy fëmijëve dhe një tjetër e plagosi rëndë.
Në 4 sekonda duket autori, që vjen me shpejtësi në krye të rrugës, ndodh një devijim dhe makina nga ana e majtë kalon në anën e djathtë, duke hedhur poshtë pretendimet e autorit se një mjet tjetër i preu rrugën (në video nuk shihet asnjë mjet tjetër).
Siç shihet dhe nga pamjet, të vlerësuara edhe nga ekspertët në studio, makina nuk ka qenë me 30 km/h, por me mbi 80 km/h.
Sipas ekspertëve lëvizjet e shoferit nuk kishte të bënte me një humbje kontrolli të automjetit, por me një papërgjegjshmëri nga ana e tij.
