Janë zbardhur detaje në lidhje me mbledhjen e Grupit Parlamentar të PS. Mësohet se kryeministri Edi Rama ka shprehur kritika të forta ndaj deputetes Elisa Spiropali.
Gjatë mbledhjes me dyer të mbyllura mësohet se Rama i ka vënë ultimatum Elisa Spiropalit, duke e paralajmëruar se duhet të zgjedhë ose të jetë më PS-në ose kundër saj.
Burime për mediat bëjnë me dije se Kryeministri i ka kërkuar Spiropalit që të ndalë postimet në rrjetet sociale kundër PS-së në të kundërt do e gjeje vetën e përjashtuar nga Grupi Parlamentar.
“O me ne, o përballë nesh, merr frymë thellë dhe kupto atë që ke bërë”, mësohet të jetë shprehur Rama gjatë mbledhjes pa media.Më tej, mësohet se Spiropali ka kërkuar të drejtën e fjalës, por kjo I është mohuar nga Rama.
“Ke postuar 2 herë në rrjete sociale, herën e 3-të do të përjashtohesh”, mësohet të jetë shprehur Rama, I cili më tek ka thënë se: “Unë po bëj replikë për çfarë ke shkruar ti. Je akoma këtu sepse nuk dua që PS të humbasë investimin që ka bërë”.
