Nënkryetari i BDI-së, një Arbër Ademi në konferencë për shtyp shpalli fitoren në komunën e Gostivarit dhe njoftoi se kandidatët e koalicionit AKI-së për Strugën dhe Kërçovën shkojnë në balotazh me kandidatët e VMRO-DPMNE-së.
“Edhe në tre Komuna të tjera, në Gostivar pa balotazh që në raundin e parë. Që sonte kryetar i Gostivarit është zoti Valbon Limani. Në Kërçovë dhe në Strugë kandidatët tanë shkojnë në balotazh kundrejt dy kandidatëve të VMRO-së”, tha Ademi.
Ndërkohë edhe koalicioni shqiptar Vlen ka shpallur fitoren e parë dhe ka nisur festën. Sipas njoftimeve nga partia, Suat Shaqiri do të jetë kryetari i ardhshëm i komunës së Çashkës, duke hyrë në histori si shqiptari i parë që udhëheq këtë komunë. Ademi tha se fitorja në Çashkë vjen krahas rezultateve të ngjashme në Likovë, Pllasnicë dhe Gostivar, ndërsa në disa komuna të tjera gara do të vazhdojë në raundin e dytë.
Fill pas mbylljes së qendrave të votimit, koalicioni shqiptar VLEN përmes një konference për media tha se presin fitore që në raundin e parë në komunat Çair, Tetovë, Saraj, Bogovinë, Zhelinë dhe Tearcë.
“Presim fitore pothuajse në secilën komunë. Jemi optimistë se në disa prej komunave se gara do të mbyllet që në rrethin e parë.
Kjo mendon se vlen për komunën e Çairit, jemi afër fitores edhe në komunën e Tetovës në raundin e parë, gjithashtu të njëjtën e presim në komunën e Sarajit, në komunën e Bogovinës, Zhelinës dhe Tearcës. Jemi në proces të grumbullimit të informatave”, deklaron VLEN.
