Trajneri i Kombëtares së Shqipërisë, Sylvinho, në konferencën për media tha se përballë Letonisë do përgatisë një formacion, i cili do zbresë në fushë për të synuar vetëm fitoren.
” Jemi përgatitur për nesër, do të jetë e vështirë, por do të jetë një ndeshje kyçe për ne. Ndeshje kyçe. Rrugëtimin dhe ndeshjet për të shkuar drejt kupës së botës janë të vështira sepse janë ndeshje të ndryshme.
Nuk e kam vendosur se kush do jetë 11 dhe se kush do filloj nesër, por do kemi ndryshime si në aspektin e sulmit dhe atë mbrojtës. Kemi tani stërvitjen e fundit dhe formacionin do ta caktoj nesër. Luajmë për fitore.”, tha ai.
