Që nga qershori i vitit 2023, Anis Mehmeti nuk është grumbulluar më me Kombëtaren shqiptare, pavarësisht formës së mirë që po kalon me anglezët e Bristol City.
Ylli kuqezi u kthye në protagonist edhe këtë javë në Championship, duke shënuar një gol dhe duke dhuruar një asist përballë Hull City, në fitoren 4-2 që skuadra e tij arriti në shtëpi.
Kjo gjë duket se është vlerësuar menjëherë në Angli, teksa portali i statistikave “Sofascore”, e ka përfshirë atë në 11-shen më të mirë të javës në Championship, duke i dhënë notën 8.3.
Mehmeti deri më tani është grumbulluar tre herë me Kombëtaren, por Sylvinho e ka lënë jashtë planeve të tij prej dy vitesh, pavarësisht performancave mbresëlënëse të 24-vjeçarit.
