Rinumërimi i votave të Tiranës vijon për të gjashtën ditë, ku janë numëruar 631 qendra votimi.
Sipas asaj që raporton gazetari Enkel Xhangoli, deri në këto momente rinumërimi nuk ka prodhuar asnjë ndryshim, qoftë për shpërndarjen e mandateve, apo qoftë edhe për ndryshime në subjektet politike.
Vetëm sot ndërkohë janë rinumëruar 25 qendra votimi, ku janë konstatuar gjetje të vogla, por nuk kanë ndikuar në heqjen apo mbajtjen e mandateve. Ka deputetë që kanë humbur më shumë vota dhe ka edhe deputetë që kanë rikuperuar një numër të vogël votash.
Ndërkohë deputeti që i janë hequr më shumë vota është Ervin Hoxha, të cilit i janë hequr rreth 257 vota, teska në kampin e opozitës kandidatit që i janë hequr vota është Ilir Alimehmeti, me 101 vota, por përsëri nuk ka prodhuar ndryshim sa i përket shpërndarjes së mandateve.
Sa i takon garës së ngushtë mes Blerina Gjylametit dhe Olta Xhaçkës, përsëri ka një garë të ngushtë edhe gjatë procesit të rinumërimit, pasi diferenca mes tyre është ulur.
