Gjykata e Apelit ka dënuar me burgim të përjetshëm Kristjan Cenajn, i akuzuar për “vjedhje me pasojë vdekjen”.
Gazetarja e Klan News, Glidona Daci bën me dije se vendimi vjen pas një procesi të gjatë hetimor dhe gjyqësor që lidhet me zhdukjen dhe më pas vrasjen e 16-vjeçarit Mariglen Gjonaj, ngjarje e ndodhur në vitin 2015.
Hetimet zbuluan se pas krimit, Cenaj kishte zhdukur gjurmët duke u larguar nga zona dhe duke qëndruar për një kohë të gjatë në arrati. Pas arrestimit të tij, ai nuk pranoi autorësinë, por provat e mbledhura nga Prokuroria çuan në dënimin e tij maksimal.
Gjykata vendosi që Kristjan Cenaj të vuajë dënimin me burgim të përjetshëm, ndërsa nuk pranoi kërkesën e Prokurorisë për përjashtimin e mundësisë së lirim të parakohshëm me kusht pas 35 viteve.
