Një zjarr ka përfshirë sot në orët e para të mëngjesit kampin social të komunitetit rom në Shkodër. Fatmirësisht, nuk raportohet për të lënduar, por zjarri ka shkaktuar dëme të konsiderueshme materiale, ku janë djegur plotësisht tre kontejnerë.
Kampi është ndërtuar me kontejnerë të posaçëm për strehimin e komunitetit rom. Në vendngjarje kanë mbërritur menjëherë tre mjete zjarrfikëse, të cilat kanë neutralizuar flakët dhe kanë shmangur një tragjedi të mundshme.
Aktualisht, në këto kontejnerë jetojnë mbi 142 banorë të komunitetit rom, të cilët më parë banonin në kushte ekstreme varfërie dhe pasigurie. Tv Klan
