Lindja e Mesme është rindezur nga një tjetër konflikt pas sulmeve izraelite kundrejt Iranit. Izraeli ka deklaruar disa sulme në pika bërthamore iraniane, si dhe Televizionin Shtetëror. Sipas mediave të huaja, Irani po sulmon Izraelin qendror dhe ka lajmëruar se do të ashpërsojë kundërpërgjigjen.
Sipas analizës së njohëses së çështjeve të Lindjes së Mesme dhe gazetares, Gerta Zaimi, në emisionin “Opinion” në Tv Klan, Izraeli ka treguar “gjenialitet strategjik”. Pozita e Netanyahu është dominuese kundrejt Trump dhe ai ka shfrytëzuar një moment duke e kapur Iranin të papërgatitur, edhe pse konflikti ishte i acaruar.
Gerta Zaimi: Ka një gjenialitet strategjik nga ana e izraelit. Izraeli vepron në një moment kur ndër të dy, midis Trumpit dhe Netanyahu, diskutimi në Oman të dielën, sinjalet amerikanët i kishin dhënë sepse ishin boshatisur ambasadat, por ishte thënë që kjo do të ndodhë pak më tutje. Manipulimi i fuqishëm i Netanyahu është shumë më i fuqishëm sesa ai i Trump ndaj Netanyahu. Netanyahu në të gjitha fazat arrin ta manipulojë Trump, thuhet që do të bëhet dasma e djalit të Netanyahu kështu që faktikisht i gjithë skenari ishte i tillë që Irani dhe ne ishim të përgatitur që do të plaste.
Blendi Fevziu: Çështja ishte te dita, ora.
Gerta Zaimi: Pikërisht.
Berat Buzhala: Pra vetëm Irani s’e paska ditur? Ranë të flinin ohoho?
Gerta Zaimi: Kjo ka qenë një dinamikë midis Iranit dhe Izraelit, një dinamikë e vjetër që kërcënimet rriten, shtohen, çohen dhe kthehen mbrapsht prapë. Momenti erdhi krejt i papritur dhe kjo shpjegon pse ishin të gjithë në këtë lloj. Gjëja tjetër është që ka një përgatitje prej shumë vitesh, depërtimi, filtrimi i Mossad-it brenda territorit iranian. Kjo ka vite sepse vitin që kaloi në Turqi ka pasur arrestime që ka pasur Izraeli. Izraeli vitin e fundit ka bërë një sërë arrestimesh që ishin të lidhura me Izraelin. Lançuan dronët dhe mbrëmë kanë pasur autobombat dhe mendohet që janë bërë përmes ndihmës të atyre që janë agjentë të Mossad-it brenda territorit. Mendohet që ishin tri baza, megjithëse u dhanë të dhënat vetëm për dy baza, bazat ku ishin autobombat, bazat ku ishin dronët dhe mendohet se është një bazë e tretë.
Zaimi shton se sulmet e Izraelit duke eliminuar krerë në radhët e Iranit, tregon se “penetrimi ka arritur në lidership.” Njëkohësisht, ishte një moment i favorshëm për disa arsye.
Gerta Zaimi: Duke pasur momentin e përshtatshëm ku Trump mund të mendonte që dobësimi i Iranit e kthen më kollaj në tratativa për akordin bërthamor, nga ana tjetër manipulimi që i bën Netanyahu Trump dhe momenti i duhur, një Iran i dobësuar dhe që nuk e mendonte që do të sulmohej në atë moment me këtë lloj moment fuqie dhe që në momentin e parë tha “kjo është luftë”.
Por a mund ta tejkalojë Irani reagimin e tanishëm? “Unë them që Irani mund ti bëjë këtë që po i bën deri tani”, thotë Zaimi. Ajo shton se janë të rëndësishme deklaratat që vijnë nga Europa si Franca, Anglia, pasi Izraeli ka bazë në Qipro dhe Gjermania që vepron si ndërmjetëse. Izraeli zotëron të gjitha kapacitetet që të ketë epërsi ndaj Iranit. “Izraeli shpenzon 7 herë më shumë në mbrojtje sesa shpenzon Irani”, nënvizon Zaimi.
