Pas sulmeve të Izraelit në Iran, zbulohet ku fshihet udhëheqësi suprem Ali Khamenei bashkë me familjen!
Ajatollahu Ali Khamenei, udhëheqësi suprem i Iranit është strehuar në një bunker të nëndheshëm në veri-lindje të Teheranit, vetëm disa orë pas sulmeve ajrore të Izraelit mbi kryeqytetin iranian, që nisën të premten në mëngjes.
“Iran International” ka raportuar lajmin duke iu referuar dy burimeve të besueshme brenda vendit.
Nga të njëjtat burime bëhet me dije se Khamenein ndodhen të gjithë anëtarët e familjes së tij, përfshirë edhe djalin e tij, Mojtaba Khamenei. Ky është i njëjti bunker në të cilin ai dhe familja u strehuan edhe gjatë operacioneve ushtarake të Iranit ndaj Izraelit në vitin 2024, me emrin “Premtimi i Vërtetë 1” dhe “Premtimi i Vërtetë 2”.
Izraeli kreu një sulm ajror të dielën në qytetin iranian të Mashhadit,i cili ndodhet mbi 2.300 kilometra larg nga Izraeli.
Për “Iran International”, një burim diplomatik nga Lindja e Mesme tha se sulmi ishte një paralajmërim i drejtpërdrejtë ndaj Khameneit se nuk është më i sigurt askund brenda territorit iranian.
I njëjti burim diplomatik tha se Izraeli kishte mundësinë të eliminonte udhëheqësin suprem që në natën e parë të ofensivës, por vendosi të mos e bënte, duke i dhënë atij edhe një “mundësi të fundit” për t’u tërhequr dhe për të shpallur çmontimin e plotë të programit bërthamor të Iranit.
