Gjykata e Posaçme kundër Korrupsionit dhe Krimit të Organizuar ka lënë në fuqi masën e sigurisë “arrest në burg” për Dashnor Dumanin, vëllain e bashkëpunëtorit të drejtësisë Nuredin Dumani.
Ai dyshohet nga Prokuroria e Posaçme Kundër Korrupsionit dhe Krimit të Organizuar (SPAK) për përfshirje në masakrën e Bradasheshit, ku mbetën të vrarë tre person; Endrit Alibej, daja i tij Arben Dylgjeri, si dhe Erdal Durunay, me nënshtetësi turke.
Po ashtu ai dyshohet se ka marrë pjesë edhe në grabitjen e ndodhur në pistën e aeroportit të Rinasit.
Ndërkohë, për Armis Stafën, masa e sigurisë u ndryshua nga “arrest në burg” në “arrest në shtëpi”.
Sipas SPAK, ai dyshohet për pastrim parash përmes shitblerjes së automjeteve, në funksion të organizatës kriminale të vëllezërve Hajdar dhe Franc Çopja.
Me finalizimin e ekstradimeve të këtyre dy personazheve, shkon në gjashtë numri i operacioneve të suksesshme që autoritetet shqiptare kanë përmbyllur me Emiratet e Bashkuara Arabe, një vend me të cilin nuk ka një marrëveshje ekstradimi.
