Dy ukrainase, nënë e bijë, u gjetën të vrara më 6 qershor, në banesën e tyre në Haasrode të Beligjikës.
Siç raportojnë mediat e huaja, 46 vjeçarja Lilia dhe vajza e saj vetëm 6 vjeç Anna, janë goditur me thikë brenda banesës, ndërsa kjo e fundit është përfshirë nga flakët.
Teksa autoritetet kanë nisur hetimet për vrasjen e dyfishtë, janë gjetur prova se zjarrvënia ishte e qëllimshme. Do të kryhet po ashtu autopsia e trupave të pajetë, për të përcaktuar shkakun e saktë të vdekjes. Ai që fatmirësisht i shpëtoi tragjedisë ishte djali 16 vjeçar i familjes, i cili ndodhej në shkollë në atë moment.
Familja jetonte në Belgjikë prej tre vitesh pasi ishte larguar nga Ukraina për shkak të luftës. Burri i gruas vazhdon të luftojë në vijën e frontit në Ukrainë. Ndërtesa ku ata jetonin është në pronësi të kishës lokale, por është dhënë me qira nga komuna Oud-Heverlee për të strehuar refugjatët ukrainas.
